دل جل رہا تھا غم سے مگر نغمہ گر رہا

دل جل رہا تھا غم سے مگر نغمہ گر رہا

جب تک رہا میں ساتھ مرے یہ ہنر رہا

صبح سفر کی رات تھی تارے تھے اور ہوا

سایا سا ایک دیر تلک بام پر رہا

میری صدا ہوا میں بہت دور تک گئی

پر میں بلا رہا تھا جسے بے خبر رہا

گزری ہے کیا مزے سے خیالوں میں زندگی

دوری کا یہ طلسم بڑا کارگر رہا

خوف آسماں کے ساتھ تھا سر پر جھکا ہوا

کوئی ہے بھی یا نہیں ہے یہی دل میں ڈر رہا

اس آخری نظر میں عجب درد تھا منیرؔ

جانے کا اس کے رنج مجھے عمر بھر رہا

dil jal raha tha gham se magar naghma gir raha

jab tak raha main sath mire ye hunar raha

subh-e-safar ki rat thi tare the aur hua

saya sa ek der talak bam par raha

meri sada hawa mein bahut dur tak gai

par main bala raha tha jise be khabar raha

guzri hai kya maze se khayalon mein zindagi

duri ka ye tilism bara kargar raha

khauf asman ke sath tha sar par jhuka hua

koi hai bhi ya nahin hai yahi dil mein dar raha

is akhiri nazar mein ajab dard tha munir

jane ka us ke ranj mujhe umr bhar raha