خیال یکتا میں خواب اتنے

خیال یکتا میں خواب اتنے

سوال تنہا جواب اتنے

کبھی نہ خوبی کا دھیان آیا

ہوئے جہاں میں خراب اتنے

حساب دینا پڑا ہمیں بھی

کہ ہم جو تھے بے حساب اتنے

بس اک نظر میں ہزار باتیں

پھر اس سے آگے حجاب اتنے

مہک اٹھے رنگ سرخ جیسے

کھلے چمن میں گلاب اتنے

منیرؔ آئے کہاں سے دل میں

نئے نئے اضطراب اتنے

khayal yakta main khwab itne

sawal tanha jawab itne

kabhi na khubi ka dhyan aya

hue jahan mein kharab itne

hisab dena para hamen bhi

ke ham jo the be hisab itne

bas ik nazar mein hazar baten

phir is se age hijab itne

mahak uthe rang surkh jaise

khule chaman mein gulab itne

munir ae kahan se dil mein

nae nae iztirab itne