جو دیکھے تھے جادو ترے ہات کے

جو دیکھے تھے جادو ترے ہات کے

ہیں چرچے ابھی تک اسی بات کے

گھٹا دیکھ کر خوش ہوئیں لڑکیاں

چھتوں پر کھلے پھول برسات کے

مجھے درد دل کا وہاں لے گیا

جہاں در کھلے تھے طلسمات کے

ہوا جب چلی پھڑپھڑا کر اڑے

پرندے پرانے محلات کے

نہ تو ہے کہیں اور نہ میں ہوں کہیں

یہ سب سلسلے ہیں خیالات کے

منیرؔ آ رہی ہے گھڑی وصل کی

زمانے گئے ہجر کی رات کے

jo dekhe the jadu tire hat ke

hain charche abhi tak isi bat ke

ghata dekh kar khush huin larkiyan

chhaton par khule phul barsat ke

mujhe dard-e-dil ka wahan le gaya

jahan dar khule the tilismat ke

hawa jab chali pharphara kar ure

parinde purane mahallat ke

na to hai kahin aur na main hun kahin

ye sab silsile hain khayalat ke

munir a rahi hai ghari wasl ki

zamane gae hijr ki rat ke