کوئی داغ ہے مرے نام پر

کوئی داغ ہے مرے نام پر

کوئی سایہ میرے کلام پر

یہ پہاڑ ہے مرے سامنے

کہ کتاب منظر عام پر

کسی انتظار نظر میں ہے

کوئی روشنی کسی بام پر

یہ نگر پرندوں کا غول ہے

جو گرا ہے دانہ و دام پر

غم خاص پر کبھی چپ رہے

کبھی رو دیے غم عام پر

ہے منیرؔ حیرت مستقل

میں کھڑا ہوں ایسے مقام پر

koi dagh hai mire nam par

koi saya mere kalam par

ye pahar hai mire samne

ke kitab-e-manzar-e-am par

kisi intizar nazar mein hai

koi raushni kisi bam par

ye nagar parindon ka ghaul hai

jo gira hai dana-o-dam par

gham-e-khas par kabhi chup rahe

kabhi ro diye gham-e-am par

hai munir hairat-e-mustaqil

main khara hun aise maqam par