ہے شکل تیری گلاب جیسی

ہے شکل تیری گلاب جیسی

نظر ہے تیری شراب جیسی

ہوا سحر کی ہے ان دنوں میں

بدلتے موسم کے خواب جیسی

صدا ہے اک دوریوں میں اوجھل

مری صدا کے جواب جیسی

وہ دن تھا دوزخ کی آگ جیسا

وہ رات گہرے عذاب جیسی

یہ شہر لگتا ہے دشت جیسا

چمک ہے اس کی سراب جیسی

منیرؔ تیری غزل عجب ہے

کسی سفر کی کتاب جیسی

hai shakl teri gulab jaisi

nazar hai teri sharab jaisi

hawa sahar ki hai in dinon mein

badalte mausam ke khwab jaisi

sada hai ik duriyon mein ojhal

miri sada ke jawab jaisi

wo din tha dozakh ki ag jaisa

wo rat gahre azab jaisi

ye shahr lagta hai dasht jaisa

chamak hai us ki sarab jaisi

munir teri ghazal ajab hai

kisi safar ki kitab jaisi