آئی ہے اب یاد کیا رات اک بیتے سال کی

آئی ہے اب یاد کیا رات اک بیتے سال کی

یہی ہوا تھی باغ میں یہی صدا گھڑیال کی

مہک عجب سی ہو گئی پڑے پڑے صندوق میں

رنگت پھیکی پڑ گئی ریشم کے رومال کی

شہر میں ڈر تھا موت کا چاند کی چوتھی رات کو

اینٹوں کی اس کھوہ میں دہشت تھی بھونچال کی

شام جھکی تھی بحر پر پاگل ہو کر رنگ سے

یا تصویر تھی خواب میں میرے کسی خیال کی

عمر کے ساتھ عجیب سا بن جاتا ہے آدمی

حالت دیکھ کے دکھ ہوا آج اس پری جمال کی

دیکھ کے مجھ کو غور سے پھر وہ چپ سے ہو گئے

دل میں خلش ہے آج تک اس ان کہے سوال کی

ai hai ab yad kya rat ik bite sal ki

yahi hua thi bagh mein yahi sada gharyal ki

mahak ajab si ho gai pare pare sanduq mein

rangat phiki par gai resham ke rumal ki

shahr mein dar tha maut ka chand ki chauthi rat ko

inton ki is khuh mein dahshat thi bhaunchal ki

sham jhuki thi bahr par pagal ho kar rang se

ya taswir thi khwab mein mere kisi khayal ki

umr ke sath ajib sa ban jata hai admi

halat dekh ke dukh hua aj us pari jamal ki

dekh ke mujh ko ghaur se phir wo chup se ho gae

dil mein khalish hai aj tak is an kahe sawal ki