اور ہیں کتنی منزلیں باقی

اور ہیں کتنی منزلیں باقی

جان کتنی ہے جسم میں باقی

زندہ لوگوں کی بود و باش میں ہیں

مردہ لوگوں کی عادتیں باقی

اس سے ملنا وہ خواب ہستی میں

خواب معدوم حسرتیں باقی

بہہ گئے رنگ و نور کے چشمے

رہ گئیں ان کی رنگتیں باقی

جن کے ہونے سے ہم بھی ہیں اے دل

شہر میں ہیں وہ صورتیں باقی

وہ تو آ کے منیرؔ جا بھی چکا

اک مہک سی ہے باغ میں باقی

aur hain kitni manzilen baqi

jan kitni hai jism mein baqi

zinda logon ki bud-o-bash mein hain

murda logon ki adaten baqi

us se milna wo khwab-e-hasti mein

khwab maadum hasraten baqi

bah gae rang-o-nur ke chashme

rah gain un ki rangaten baqi

jin ke hone se ham bhi hain ai dil

shahr mein hain wo suraten baqi

wo to a ke munir ja bhi chuka

ik mahak si hai bagh mein baqi