تھکے لوگوں کو مجبوری میں چلتے دیکھ لیتا ہوں

تھکے لوگوں کو مجبوری میں چلتے دیکھ لیتا ہوں

میں بس کی کھڑکیوں سے یہ تماشے دیکھ لیتا ہوں

کبھی دل میں اداسی ہو تو ان میں جا نکلتا ہوں

پرانے دوستوں کو چپ سے بیٹھے دیکھ لیتا ہوں

چھپاتے ہیں بہت وہ گرمیٔ دل کو مگر میں بھی

گل رخ پر اڑی رنگت کے چھینٹے دیکھ لیتا ہوں

کھڑا ہوں یوں کسی خالی قلعے کے صحن ویراں میں

کہ جیسے میں زمینوں میں دفینے دیکھ لیتا ہوں

منیرؔ اندازۂ قعر فنا کرنا ہو جب مجھ کو

کسی اونچی جگہ سے جھک کے نیچے دیکھ لیتا ہوں

thake logon ko majburi mein chalte dekh leta hun

main bas ki khirkiyon se ye tamashe dekh leta hun

kabhi dil mein udasi ho to un mein ja nikalta hun

purane doston ko chup se baithe dekh leta hun

chhupate hain bahut wo garmi-e-dil ko magar main bhi

gul-e-rukh par uri rangat ke chhinte dekh leta hun

khara hun yun kisi khali qile ke sehn-e-wiran mein

ke jaise main zaminon mein dafine dekh leta hun

munir andaza-e-qaaar-e-fana karna ho jab mujh ko

kisi unchi jagah se jhuk ke niche dekh leta hun