تھی جس کی جستجو وہ حقیقت نہیں ملی

تھی جس کی جستجو وہ حقیقت نہیں ملی

ان بستیوں میں ہم کو رفاقت نہیں ملی

اب تک ہیں اس گماں میں کہ ہم بھی ہیں دہر میں

اس وہم سے نجات کی صورت نہیں ملی

رہنا تھا اس کے ساتھ بہت دیر تک مگر

ان روز و شب میں مجھ کو یہ فرصت نہیں ملی

کہنا تھا جس کو اس سے کسی وقت میں مجھے

اس بات کے کلام کی مہلت نہیں ملی

کچھ دن کے بعد اس سے جدا ہو گئے منیرؔ

اس بے وفا سے اپنی طبیعت نہیں ملی

thi jis ki justuju wo haqiqat nahin mili

in bastiyon mein ham ko rifaqat nahin mili

ab tak hain is guman mein ke ham bhi hain dahr mein

is wahm se najat ki surat nahin mili

rahna tha us ke sath bahut der tak magar

un roz-o-shab mein mujh ko ye fursat nahin mili

kahna tha jis ko us se kisi waqt mein mujhe

is bat ke kalam ki mohlat nahin mili

kuchh din ke baad us se juda ho gae munir

us be wafa se apni tabiat nahin mili