ان سے نین ملا کے دیکھو

ان سے نین ملا کے دیکھو

یہ دھوکا بھی کھا کے دیکھو

دوری میں کیا بھید چھپا ہے

اس کا کھوج لگا کے دیکھو

کسی اکیلی شام کی چپ میں

گیت پرانے گا کے دیکھو

آج کی رات بہت کالی ہے

سوچ کے دیپ جلا کے دیکھو

دل کا گھر سنسان پڑا ہے

دکھ کی دھوم مچا کے دیکھو

جاگ جاگ کر عمر کٹی ہے

نیند کے دوارے جا کے دیکھو

un se nain mila ke dekho

ye dhoka bhi kha ke dekho

duri mein kya bhed chhupa hai

us ka khoj laga ke dekho

kisi akeli sham ki chup mein

git puranega ke dekho

aj ki rat bahut kali hai

soch ke dip jala ke dekho

dil ka ghar sunsan para hai

dukh ki dhum macha ke dekho

jag jag kar umr kati hai

nind ke dware ja ke dekho