دیتی نہیں اماں جو زمیں آسماں تو ہے

دیتی نہیں اماں جو زمیں آسماں تو ہے

کہنے کو اپنے دل سے کوئی داستاں تو ہے

یوں تو ہے رنگ زرد مگر ہونٹ لال ہیں

صحرا کی وسعتوں میں کہیں گلستاں تو ہے

اک چیل ایک ممٹی پہ بیٹھی ہے دھوپ میں

گلیاں اجڑ گئی ہیں مگر پاسباں تو ہے

آواز دے کے دیکھ لو شاید وہ مل ہی جائے

ورنہ یہ عمر بھر کا سفر رائیگاں تو ہے

مجھ سے بہت قریب ہے تو پھر بھی اے منیرؔ

پردہ سا کوئی میرے ترے درمیاں تو ہے

deti nahin aman jo zamin asman to hai

kahne ko apne dil se koi dastan to hai

yun to hai rang-e-zard magar hont lal hain

sahra ki wusaton mein kahin gulsitan to hai

ik chil ek mumti pe baithi hai dhup mein

galiyan ujar gai hain magar pasban to hai

awaz de ke dekh lo shayad wo mil hi jae

warna ye umr bhar ka safar raigan to hai

mujh se bahut qarib hai to phir bhi ai munir

parda sa koi mere tire darmiyan to hai