اشک رواں کی نہر ہے اور ہم ہیں دوستو

اشک رواں کی نہر ہے اور ہم ہیں دوستو

اس بے وفا کا شہر ہے اور ہم ہیں دوستو

یہ اجنبی سی منزلیں اور رفتگاں کی یاد

تنہائیوں کا زہر ہے اور ہم ہیں دوستو

لائی ہے اب اڑا کے گئے موسموں کی باس

برکھا کی رت کا قہر ہے اور ہم ہیں دوستو

پھرتے ہیں مثل موج ہوا شہر شہر میں

آوارگی کی لہر ہے اور ہم ہیں دوستو

شام الم ڈھلی تو چلی درد کی ہوا

راتوں کی پچھلا پہر ہے اور ہم ہیں دوستو

آنکھوں میں اڑ رہی ہے لٹی محفلوں کی دھول

عبرت سرائے دہر ہے اور ہم ہیں دوستو

ashk-e-rawan ki nahr hai aur ham hain dosto

us be wafa ka shahr hai aur ham hain dosto

ye ajnabi si manzilen aur raftagan ki yad

tanhaiyon ka zahr hai aur ham hain dosto

lai hai ab ura ke gae mausamon ki bas

barkha ki rut ka qahr hai aur ham hain dosto

phirte hain misl-e-mauj hua shahr shahr mein

awargi ki lahr hai aur ham hain dosto

sham-e-alam dhali to chali dard ki hawa

raton ki pichhla pahar hai aur ham hain dosto

ankhon mein ur rahi hai luti mahfilon ki dhul

ibrat sarae dahr hai aur ham hain dosto