پی لی تو کچھ پتہ نہ چلا وہ سرور تھا

پی لی تو کچھ پتہ نہ چلا وہ سرور تھا

وہ اس کا سایہ تھا کہ وہی رشک حور تھا

کل میں نے اس کو دیکھا تو دیکھا نہیں گیا

مجھ سے بچھڑ کے وہ بھی بہت غم سے چور تھا

رویا تھا کون کون مجھے کچھ خبر نہیں

میں اس گھڑی وطن سے کئی میل دور تھا

شام فراق آئی تو دل ڈوبنے لگا

ہم کو بھی اپنے آپ پہ کتنا غرور تھا

چہرہ تھا یا صدا تھی کسی بھولی یاد کی

آنکھیں تھیں اس کی یارو کہ دریائے نور تھا

نکلا جو چاند آئی مہک تیز سی منیرؔ

میرے سوا بھی باغ میں کوئی ضرور تھا

pi li to kuchh pata na chala wo surur tha

wo us ka saya tha ke wahi rashk-e-hur tha

kal main ne us ko dekha to dekha nahin gaya

mujh se bichhar ke wo bhi bahut gham se chur tha

roya tha kaun kaun mujhe kuchh khabar nahin

main us ghari watan se kai mel dur tha

sham-e-firaq ai to dil dubne laga

ham ko bhi apne ap pe kitna ghurur tha

chehra tha ya sada thi kisi bhuli yad ki

ankhen thin us ki yaro ke dariya-e-nur tha

nikla jo chand ai mahak tez si munir

mere siwa bhi bagh mein koi zarur tha