بے خیالی میں یوں ہی بس اک ارادہ کر لیا

بے خیالی میں یوں ہی بس اک ارادہ کر لیا

اپنے دل کے شوق کو حد سے زیادہ کر لیا

جانتے تھے دونوں ہم اس کو نبھا سکتے نہیں

اس نے وعدہ کر لیا میں نے بھی وعدہ کر لیا

غیر سے نفرت جو پا لی خرچ خود پر ہو گئی

جتنے ہم تھے ہم نے خود کو اس سے آدھا کر لیا

شام کے رنگوں میں رکھ کر صاف پانی کا گلاس

آب سادہ کو حریف رنگ بادہ کر لیا

ہجرتوں کا خوف تھا یا پر کشش کہنہ مقام

کیا تھا جس کو ہم نے خود دیوار جادہ کر لیا

ایک ایسا شخص بنتا جا رہا ہوں میں منیرؔ

جس نے خود پر بند حسن و جام و بادہ کر لیا

be khayali mein yun hi bas ik irada kar liya

apne dil ke shauq ko had se ziyada kar liya

jante the donon ham us ko nibha sakte nahin

us ne waada kar liya main ne bhi waada kar liya

ghair se nafrat jo pa li kharch khud par ho gai

jitne ham the ham ne khud ko us se adha kar liya

sham ke rangon mein rakh kar saf pani ka gilas

ab sada ko harif-e-rang-e-bada kar liya

hijraton ka khauf tha ya pur kashish kohna maqam

kya tha jis ko ham ne khud diwar jada kar liya

ek aisa shakhs banta ja raha hun main munir

jis ne khud par band husn-o-jam-o-bada kar liya