کسی کو اپنے عمل کا حساب کیا دیتے

کسی کو اپنے عمل کا حساب کیا دیتے

سوال سارے غلط تھے جواب کیا دیتے

خراب صدیوں کی بے خوابیاں تھیں آنکھوں میں

اب ان بے انت خلاؤں میں خواب کیا دیتے

ہوا کی طرح مسافر تھے دلبروں کے دل

انہیں بس ایک ہی گھر کا عذاب کیا دیتے

شراب دل کی طلب تھی شرع کے پہرے میں

ہم اتنی تنگی میں اس کو شراب کیا دیتے

منیرؔ دشت شروع سے سراب آسا تھا

اس آئنے کو تمنا کی آب کیا دیتے

kisi ko apne amal ka hisab kya dete

sawal sare ghalat the jawab kya dete

kharab sadiyon ki be khwabiyan thin ankhon mein

ab un be ant khalaon mein khwab kya dete

hawa ki tarah musafir the dilbaron ke dil

unhen bas ek hi ghar ka azab kya dete

sharab dil ki talab thi shara ke pahre mein

ham itni tangi mein us ko sharab kya dete

munir dasht shuru se sarab asa tha

is aine ko tamanna ki ab kya dete