غم کی بارش نے بھی تیرے نقش کو دھویا نہیں

غم کی بارش نے بھی تیرے نقش کو دھویا نہیں

تو نے مجھ کو کھو دیا میں نے تجھے کھویا نہیں

نیند کا ہلکا گلابی سا خمار آنکھوں میں تھا

یوں لگا جیسے وہ شب کو دیر تک سویا نہیں

ہر طرف دیوار و در اور ان میں آنکھوں کے ہجوم

کہہ سکے جو دل کی حالت وہ لب گویا نہیں

جرم آدم نے کیا اور نسل آدم کو سزا

کاٹتا ہوں زندگی بھر میں نے جو بویا نہیں

جانتا ہوں ایک ایسے شخص کو میں بھی منیرؔ

غم سے پتھر ہو گیا لیکن کبھی رویا نہیں

gham ki barish ne bhi tere naqsh ko dhoya nahin

tu ne mujh ko kho diya main ne tujhe khoya nahin

nind ka halka gulabi sa khumar ankhon mein tha

yun laga jaise wo shab ko der tak soya nahin

har taraf diwar-o-dar aur un mein ankhon ke hujum

kah sake jo dil ki halat wo lab-e-goya nahin

jurm-e-adam ne kiya aur nasl-e-adam ko saza

katta hun zindagi bhar main ne jo boya nahin

janta hun ek aise shakhs ko main bhi munir

gham se patthar ho gaya lekin kabhi roya nahin