کچھ کھلونے کبھی آنگن میں دکھائی دیتے

کچھ کھلونے کبھی آنگن میں دکھائی دیتے

کاش ہم بھی کسی بچے کو مٹھائی دیتے

سونے پنگھٹ کا کوئی درد بھرا گیت تھے ہم

شہر کے شور میں کیا تجھ کو سنائی دیتے

کہیں بے نور نہ ہو جائیں وہ بوڑھی آنکھیں

گھر میں ڈرتے تھے خبر بھی مرے بھائی دیتے

ساتھ رہنے سے بھی کھل جاتے ہیں رشتوں کے کنول

بندشیں رونے لگیں مجھ کو رہائی دیتے

ان سسکتے ہوئے رشتوں کے کہاں تھے قائل

ورنہ ہم اور تجھے داغ جدائی دیتے

سسکیاں اس کی نہ دیکھی گئیں مجھ سے رعناؔ

رو پڑا میں بھی اسے پہلی کمائی دیتے

kuchh khilaune kabhi angan mein dikhai dete

kash ham bhi kisi bachche ko mithai dete

sone panghat ka koi dard bhara git the ham

shahr ke shor mein kya tujh ko sunai dete

kahin be nur na ho jaen wo burhi ankhen

ghar mein darte the khabar bhi mire bhai dete

sath rahne se bhi khul jate hain rishton ke kanwal

bandishen rone lagen mujh ko rihai dete

un sisakte hue rishton ke kahan the qail

warna ham aur tujhe dagh-e-judai dete

siskiyan us ki na dekhi gain mujh se raana

ro para mein bhi use pahli kamai dete