خون رلوائے گی یہ جنگل پرستی ایک دن

خون رلوائے گی یہ جنگل پرستی ایک دن

سب چلے جائیں گے خالی کر کے بستی ایک دن

چوستا رہتا ہے رس بھونرا ابھی تک دیکھ لو

پھول نے بھولے سے کی تھی سر پرستی ایک دن

دینے والے نے طبیعت کیا عجب دی ہے اسے

ایک دن خانہ بدوشی گھر گرہستی ایک دن

کیسے کیسے لوگ دستاروں کے مالک ہو گئے

بک رہی تھی شہر میں تھوڑی سی سستی ایک دن

تم کو اے ویرانیوں شاید نہیں معلوم ہے

ہم بنائیں گے اسی صحرا کو بستی ایک دن

روز و شب ہم کو بھی سمجھاتی ہے مٹی قبر کی

خاک میں مل جائے گی تیری بھی ہستی ایک دن

khun rulwaegi ye jangal parasti ek din

sab chale jaenge khali kar ke basti ek din

chusta rahta hai ras bhaunra abhi tak dekh lo

phul ne bhule se ki thi sar parasti ek din

dene wale ne tabiat kya ajab di hai use

ek din khana badoshi ghar girahsati ek din

kaise kaise log dastaron ke malik ho gae

bik rahi thi shahr mein thori si sasti ek din

tum ko ai wiraniyon shayad nahin maalum hai

ham banaenge isi sahra ko basti ek din

roz-o-shab ham ko bhi samjhati hai mitti qabr ki

khak mein mil jaegi teri bhi hasti ek din