پیروں کو مرے دیدۂ تر باندھے ہوئے ہے

پیروں کو مرے دیدۂ تر باندھے ہوئے ہے

زنجیر کی صورت مجھے گھر باندھے ہوئے ہے

ہر چہرے میں آتا ہے نظر ایک ہی چہرا

لگتا ہے کوئی میری نظر باندھے ہوئے ہے

بچھڑیں گے تو مر جائیں گے ہم دونوں بچھڑ کر

اک ڈور میں ہم کو یہی ڈر باندھے ہوئے ہے

پرواز کی طاقت بھی نہیں باقی ہے لیکن

صیاد ابھی تک مرے پر باندھے ہوئے ہے

ہم ہیں کہ کبھی ضبط کا دامن نہیں چھوڑا

دل ہے کہ دھڑکنے پہ کمر باندھے ہوئے ہے

آنکھیں تو اسے گھر سے نکلنے نہیں دیتیں

آنسو ہے کہ سامان سفر باندھے ہوئے ہے

پھینکی نہ منورؔ نے بزرگوں کی نشانی

دستار پرانی ہے مگر باندھے ہوئے ہے

pairon ko mire dida-e-tar bandhe hue hai

zanjir ki surat mujhe ghar bandhe hue hai

har chehre mein ata hai nazar ek hi chehra

lagta hai koi meri nazar bandhe hue hai

bichhrenge to mar jaenge ham donon bichhar kar

ik dor mein ham ko yahi dar bandhe hue hai

parwaz ki taqat bhi nahin baqi hai lekin

sayyad abhi tak mire par bandhe hue hai

ham hain ke kabhi zabt ka daman nahin chhora

dil hai ke dharakne pe kamar bandhe hue hai

ankhen to use ghar se nikalne nahin detin

ansu hai ke saman-e-safar bandhe hue hai

phenki na munawwar ne buzurgon ki nishani

dastar purani hai magar bandhe hue hai