دریا دلی سے ابر کرم بھی نہیں ملا

دریا دلی سے ابر کرم بھی نہیں ملا

لیکن مجھے نصیب سے کم بھی نہیں ملا

پھر انگلیوں کو خوں میں ڈبونا پڑا ہمیں

جب ہم کو مانگنے پہ قلم بھی نہیں ملا

سچ بولنے کی راہ میں تنہا ہمیں ملے

اس راستے میں شیخ حرم بھی نہیں ملا

میں نے تو ساری عمر نبھائی ہے دوستی

وہ مجھ سے کھا کے میری قسم بھی نہیں ملا

دل کو خوشی بھی حد سے زیادہ نہیں ملی

کاسے کے اعتبار سے غم بھی نہیں ملا

dariya dili se abr-e-karam bhi nahin mila

lekin mujhe nasib se kam bhi nahin mila

phir ungliyon ko khun mein dubona para hamen

jab ham ko mangne pe qalam bhi nahin mila

sach bolne ki rah mein tanha hamen mile

is raste mein shaikh-e-haram bhi nahin mila

main ne to sari umr nibhai hai dosti

wo mujh se kha ke meri qasam bhi nahin mila

dil ko khushi bhi had se ziyada nahin mili

kase ke etibar se gham bhi nahin mila