وہ بچھڑ کر بھی کہاں مجھ سے جدا ہوتا ہے

وہ بچھڑ کر بھی کہاں مجھ سے جدا ہوتا ہے

ریت پر اوس سے اک نام لکھا ہوتا ہے

خاک آنکھوں سے لگائی تو یہ احساس ہوا

اپنی مٹی سے ہر اک شخص جڑا ہوتا ہے

ساری دنیا کا سفر خواب میں کر ڈالا ہے

کوئی منظر ہو مرا دیکھا ہوا ہوتا ہے

میں بھلانا بھی نہیں چاہتا اس کو لیکن

مستقل زخم کا رہنا بھی برا ہوتا ہے

خوف میں ڈوبے ہوئے شہر کی قسمت ہے یہی

منتظر رہتا ہے ہر شخص کہ کیا ہوتا ہے

wo bichhar kar bhi kahan mujh se juda hota hai

ret par os se ik nam likha hota hai

khak ankhon se lagai to ye ehsas hua

apni mitti se har ik shakhs jura hota hai

sari duniya ka safar khwab mein kar dala hai

koi manzar ho mira dekha hua hota hai

main bhulana bhi nahin chahta us ko lekin

mustaqil zakhm ka rahna bhi bura hota hai

khauf mein dube hue shahr ki qismat hai yahi

muntazir rahta hai har shakhs ke kya hota hai