خود اپنے ہی ہاتھوں کا لکھا کاٹ رہا ہوں

خود اپنے ہی ہاتھوں کا لکھا کاٹ رہا ہوں

لے دیکھ لے دنیا میں پتا کاٹ رہا ہوں

یہ بات مجھے دیر سے معلوم ہوئی ہے

زنداں ہے یہ دنیا میں سزا کاٹ رہا ہوں

دنیا مرے سجدے کو عبادت نہ سمجھنا

پیشانی پہ قسمت کا لکھا کاٹ رہا ہوں

اب آپ کی مرضی ہے اسے جو بھی سمجھئے

لیکن میں اشارے سے ہوا کاٹ رہا ہوں

تو نے جو سزا دی تھی جوانی کے دنوں میں

میں عمر کی چوکھٹ پہ کھڑا کاٹ رہا ہوں

khud apne hi hathon ka likha kat raha hun

le dekh le duniya mein pata kat raha hun

ye bat mujhe der se maalum hui hai

zindan hai ye duniya mein saza kat raha hun

duniya mire sajde ko ibadat na samajhna

peshani pe qismat ka likha kat raha hun

ab ap ki marzi hai use jo bhi samajhiye

lekin main ishare se hua kat raha hun

tu ne jo saza di thi jawani ke dinon mein

main umr ki chaukhat pe khara kat raha hun