ایسا لگتا ہے کہ کر دے گا اب آزاد مجھے

ایسا لگتا ہے کہ کر دے گا اب آزاد مجھے

میری مرضی سے اڑانے لگا صیاد مجھے

میں ہوں سرحد پہ بنے ایک مکاں کی صورت

کب تلک دیکھیے رکھتا ہے وہ آباد مجھے

ایک قصے کی طرح وہ تو مجھے بھول گیا

اک کہانی کی طرح وہ ہے مگر یاد مجھے

کم سے کم یہ تو بتا دے کہ کدھر جائے گی

کر کے اے خانہ خرابی مری برباد مجھے

میں سمجھ جاتا ہوں اس میں کوئی کمزوری ہے

میرے جس شعر پہ ملتی ہے بہت داد مجھے

aisa lagta hai ke kar dega ab azad mujhe

meri marzi se urane laga sayyad mujhe

main hun sarhad pe bane ek makan ki surat

kab talak dekhiye rakhta hai wo abad mujhe

ek qisse ki tarah wo to mujhe bhul gaya

ik kahani ki tarah wo hai magar yad mujhe

kam se kam ye to bata de ke kidhar jaegi

kar ke ai khana kharabi miri barbad mujhe

main samajh jata hun is mein koi kamzori hai

mere jis sher pe milti hai bahut dad mujhe