مجھ کو گہرائی میں مٹی کی اتر جانا ہے

مجھ کو گہرائی میں مٹی کی اتر جانا ہے

زندگی باندھ لے سامان سفر جانا ہے

گھر کی دہلیز پہ روشن ہیں وہ بجھتی آنکھیں

مجھ کو مت روک مجھے لوٹ کے گھر جانا ہے

میں وہ میلے میں بھٹکتا ہوا اک بچہ ہوں

جس کے ماں باپ کو روتے ہوئے مر جانا ہے

زندگی تاش کے پتوں کی طرح ہے میری

اور پتوں کو بہرحال بکھر جانا ہے

ایک بے نام سے رشتے کی تمنا لے کر

اس کبوتر کو کسی چھت پہ اتر جانا ہے

mujh ko gahrai mein mitti ki utar jana hai

zindagi bandh le saman-e-safar jana hai

ghar ki dahliz pe raushan hain wo bujhti ankhen

mujh ko mat rok mujhe laut ke ghar jana hai

main wo mele mein bhatakta hua ik bachcha hun

jis ke man bap ko rote hue mar jana hai

zindagi tash ke patton ki tarah hai meri

aur patton ko bahrhal bikhar jana hai

ek be nam se rishte ki tamanna le kar

is kabutar ko kisi chhat pe utar jana hai