یہ سر بلند ہوتے ہی شانے سے کٹ گیا

یہ سر بلند ہوتے ہی شانے سے کٹ گیا

میں محترم ہوا تو زمانے سے کٹ گیا

ماں آج مجھ کو چھوڑ کے گاؤں چلی گئی

میں آج اپنے آئینہ خانے سے کٹ گیا

جوڑے کی شان بڑھ گئی محفل مہک اٹھی

لیکن یہ پھول اپنے گھرانے سے کٹ گیا

اے آنسوؤ تمہاری ضرورت ہے اب مجھے

کچھ میل تو بدن کا نہانے سے کٹ گیا

اس پیڑ سے کسی کو شکایت نہ تھی مگر

یہ پیڑ صرف بیچ میں آنے سے کٹ گیا

ورنہ وہی اجاڑ حویلی سی زندگی

تم آ گئے تو وقت ٹھکانے سے کٹ گیا

ye sar buland hote hi shane se kat gaya

main mohtaram hua to zamane se kat gaya

man aj mujh ko chhor ke gaon chali gai

main aj apne aina khane se kat gaya

jore ki shan barh gai mahfil mahak uthi

lekin ye phul apne gharane se kat gaya

ai ansoo tumhari zarurat hai ab mujhe

kuchh mel to badan ka nahane se kat gaya

is per se kisi ko shikayat na thi magar

ye per sirf bich mein ane se kat gaya

warna wahi ujar haweli si zindagi

tum a gae to waqt thikane se kat gaya