ہاں اجازت ہے اگر کوئی کہانی اور ہے

ہاں اجازت ہے اگر کوئی کہانی اور ہے

ان کٹوروں میں ابھی تھوڑا سا پانی اور ہے

مذہبی مزدور سب بیٹھے ہیں ان کو کام دو

ایک عمارت شہر میں کافی پرانی اور ہے

خامشی کب چیخ بن جائے کسے معلوم ہے

ظلم کر لو جب تلک یہ بے زبانی اور ہے

خشک پتے آنکھ میں چبھتے ہیں کانٹوں کی طرح

دشت میں پھرنا الگ ہے باغبانی اور ہے

پھر وہی اکتاہٹیں ہوں گی بدن چوپال میں

عمر کے قصے میں تھوڑی سی جوانی اور ہے

بس اسی احساس کی شدت نے بوڑھا کر دیا

ٹوٹے پھوٹے گھر میں اک لڑکی سیانی اور ہے

han ijazat hai agar koi kahani aur hai

in katoron mein abhi thora sa pani aur hai

mazhabi mazdur sab baithe hain un ko kam do

ek imarat shahr mein kafi purani aur hai

khamushi kab chikh ban jae kise maalum hai

zulm kar lo jab talak ye be zabani aur hai

khushk patte ankh mein chubhte hain kanton ki tarah

dasht mein phirna alag hai baghbani aur hai

phir wahi uktahaten hongi badan chaupal mein

umr ke qisse mein thori si jawani aur hai

bas isi ehsas ki shiddat ne burha kar diya

tute phute ghar mein ik larki siyani aur hai