ہم کچھ ایسے ترے دیدار میں کھو جاتے ہیں

ہم کچھ ایسے ترے دیدار میں کھو جاتے ہیں

جیسے بچے بھرے بازار میں کھو جاتے ہیں

مستقل جوجھنا یادوں سے بہت مشکل ہے

رفتہ رفتہ سبھی گھر بار میں کھو جاتے ہیں

اتنا سانسوں کی رفاقت پہ بھروسہ نہ کرو

سب کے سب مٹی کے انبار میں کھو جاتے ہیں

میری خودداری نے احسان کیا ہے مجھ پر

ورنہ جو جاتے ہیں دربار میں کھو جاتے ہیں

ڈھونڈھنے روز نکلتے ہیں مسائل ہم کو

روز ہم سرخیٔ اخبار میں کھو جاتے ہیں

کیا قیامت ہے کہ صحراؤں کے رہنے والے

اپنے گھر کے در و دیوار میں کھو جاتے ہیں

کون پھر ایسے میں تنقید کرے گا تجھ پر

سب ترے جبہ و دستار میں کھو جاتے ہیں

ham kuchh aise tire didar mein kho jate hain

jaise bachche bhare bazar mein kho jate hain

mustaqil jojhunna yadon se bahut mushkil hai

rafta rafta sabhi ghar bar mein kho jate hain

itna sanson ki rifaqat pe bharosa na karo

sab ke sab mitti ke ambar mein kho jate hain

meri khuddari ne ehsan kiya hai mujh par

warna jo jate hain darbar mein kho jate hain

dhundhne roz nikalte hain masail ham ko

roz ham surkhi-e-akhbar mein kho jate hain

kya qayamat hai ke sahraon ke rahne wale

apne ghar ke dar-o-diwar mein kho jate hain

kaun phir aise mein tanqid karega tujh par

sab tire jubba-o-dastar mein kho jate hain