Arooz is now on the App Store, for iPhone and iPad. Download →

All poetry

تمہارے جسم کی خوشبو گلوں سے آتی ہے

Munawwar Rana

تمہارے جسم کی خوشبو گلوں سے آتی ہے

خبر تمہاری بھی اب دوسروں سے آتی ہے

ہمیں اکیلے نہیں جاگتے ہیں راتوں میں

اسے بھی نیند بڑی مشکلوں سے آتی ہے

ہماری آنکھوں کو میلا تو کر دیا ہے مگر

محبتوں میں چمک آنسوؤں سے آتی ہے

اسی لئے تو اندھیرے حسین لگتے ہیں

کہ رات مل کے ترے گیسوؤں سے آتی ہے

یہ کس مقام پہ پہنچا دیا محبت نے

کہ تیری یاد بھی اب کوششوں سے آتی ہے