مختصر ہوتے ہوئے بھی زندگی بڑھ جائے گی

مختصر ہوتے ہوئے بھی زندگی بڑھ جائے گی

ماں کی آنکھیں چوم لیجے روشنی بڑھ جائے گی

موت کا آنا تو طے ہے موت آئے گی مگر

آپ کے آنے سے تھوڑی زندگی بڑھ جائے گی

اتنی چاہت سے نہ دیکھا کیجیے محفل میں آپ

شہر والوں سے ہماری دشمنی بڑھ جائے گی

آپ کے ہنسنے سے خطرہ اور بھی بڑھ جائے گا

اس طرح تو اور آنکھوں کی نمی بڑھ جائے گی

بے وفائی کھیل کا حصہ ہے جانے دے اسے

تذکرہ اس سے نہ کر شرمندگی بڑھ جائے گی

mukhtasar hote hue bhi zindagi barh jaegi

man ki ankhen chum lije raushni barh jaegi

maut ka ana to tai hai maut aegi magar

ap ke ane se thori zindagi barh jaegi

itni chahat se na dekha kijiye mahfil mein ap

shahr walon se hamari dushmani barh jaegi

ap ke hansne se khatra aur bhi barh jaega

is tarah to aur ankhon ki nami barh jaegi

be wafai khel ka hissa hai jane de use

tazkira us se na kar sharmindagi barh jaegi