دنیا تری رونق سے میں اب اوب رہا ہوں

دنیا تری رونق سے میں اب اوب رہا ہوں

تو چاند مجھے کہتی تھی میں ڈوب رہا ہوں

اب کوئی شناسا بھی دکھائی نہیں دیتا

برسوں میں اسی شہر کا محبوب رہا ہوں

میں خواب نہیں آپ کی آنکھوں کی طرح تھا

میں آپ کا لہجہ نہیں اسلوب رہا ہوں

رسوائی مرے نام سے منسوب رہی ہے

میں خود کہاں رسوائی سے منسوب رہا ہوں

سچائی تو یہ ہے کہ ترے قریۂ دل میں

اک وہ بھی زمانہ تھا کہ میں خوب رہا ہوں

اس شہر کے پتھر بھی گواہی مری دیں گے

صحرا بھی بتا دے گا کہ مجذوب رہا ہوں

دنیا مجھے ساحل سے کھڑی دیکھ رہی ہے

میں ایک جزیرے کی طرح ڈوب رہا ہوں

شہرت مجھے ملتی ہے تو چپ چاپ کھڑی رہ

رسوائی میں تجھ سے بھی تو منسوب رہا ہوں

پھینک آئے تھے مجھ کو بھی مرے بھائی کنویں میں

میں صبر میں بھی حضرت ایوب رہا ہوں

duniya tiri raunaq se main ab ub raha hun

tu chand mujhe kahti thi main dub raha hun

ab koi shanasa bhi dikhai nahin deta

barson mein isi shahr ka mahbub raha hun

main khwab nahin ap ki ankhon ki tarah tha

main ap ka lahja nahin uslub raha hun

ruswai mire nam se mansub rahi hai

main khud kahan ruswai se mansub raha hun

sachchai to ye hai ke tire qarya-e-dil mein

ik wo bhi zamana tha ke main khub raha hun

is shahr ke patthar bhi gawahi miri denge

sahra bhi bata dega ke majzub raha hun

duniya mujhe sahil se khari dekh rahi hai

main ek jazire ki tarah dub raha hun

shohrat mujhe milti hai to chup chap khari rah

ruswai mein tujh se bhi to mansub raha hun

phenk ae the mujh ko bhi mire bhai kuen mein

main sabr mein bhi hazrat-e-ayyub raha hun