الماری سے خط اس کے پرانے نکل آئے

الماری سے خط اس کے پرانے نکل آئے

پھر سے مرے چہرے پہ یہ دانے نکل آئے

ماں بیٹھ کے تکتی تھی جہاں سے مرا رستہ

مٹی کے ہٹاتے ہی خزانے نکل آئے

ممکن ہے ہمیں گاؤں بھی پہچان نہ پائے

بچپن میں ہی ہم گھر سے کمانے نکل آئے

اے ریت کے ذرے ترا احسان بہت ہے

آنکھوں کو بھگونے کے بہانے نکل آئے

اب تیرے بلانے سے بھی ہم آ نہیں سکتے

ہم تجھ سے بہت آگے زمانے نکل آئے

ایک خوف سا رہتا ہے مرے دل میں ہمیشہ

کس گھر سے تری یاد نہ جانے نکل آئے

almari se khat us ke purane nikal ae

phir se mire chehre pe ye dane nikal ae

man baith ke takti thi jahan se mira rasta

mitti ke hatate hi khazane nikal ae

mumkin hai hamen gaon bhi pahchan na pae

bachpan mein hi ham ghar se kamane nikal ae

ai ret ke zarre tira ehsan bahut hai

ankhon ko bhigone ke bahane nikal ae

ab tere bulane se bhi ham a nahin sakte

ham tujh se bahut age zamane nikal ae

ek khauf sa rahta hai mire dil mein hamesha

kis ghar se tiri yad na jane nikal ae