کبھی خوشی سے خوشی کی طرف نہیں دیکھا

کبھی خوشی سے خوشی کی طرف نہیں دیکھا

تمہارے بعد کسی کی طرف نہیں دیکھا

یہ سوچ کر کہ ترا انتظار لازم ہے

تمام عمر گھڑی کی طرف نہیں دیکھا

یہاں تو جو بھی ہے آب رواں کا عاشق ہے

کسی نے خشک ندی کی طرف نہیں دیکھا

وہ جس کے واسطے پردیس جا رہا ہوں میں

بچھڑتے وقت اسی کی طرف نہیں دیکھا

نہ روک لے ہمیں روتا ہوا کوئی چہرہ

چلے تو مڑ کے گلی کی طرف نہیں دیکھا

بچھڑتے وقت بہت مطمئن تھے ہم دونوں

کسی نے مڑ کے کسی کی طرف نہیں دیکھا

روش بزرگوں کی شامل ہے میری گھٹی میں

ضرورتاً بھی سکھی کی طرف نہیں دیکھا

kabhi khushi se khushi ki taraf nahin dekha

tumhare baad kisi ki taraf nahin dekha

ye soch kar ke tira intizar lazim hai

tamam umr ghari ki taraf nahin dekha

yahan to jo bhi hai ab-e-rawan ka ashiq hai

kisi ne khushk nadi ki taraf nahin dekha

wo jis ke waste pardes ja raha hun main

bichharte waqt usi ki taraf nahin dekha

na rok le hamen rota hua koi chehra

chale to mur ke gali ki taraf nahin dekha

bichharte waqt bahut mutmain the ham donon

kisi ne mur ke kisi ki taraf nahin dekha

rawish buzurgon ki shamil hai meri ghati mein

zarurtan bhi sakhi ki taraf nahin dekha