بھلا پانا بہت مشکل ہے سب کچھ یاد رہتا ہے

بھلا پانا بہت مشکل ہے سب کچھ یاد رہتا ہے

محبت کرنے والا اس لیے برباد رہتا ہے

اگر سونے کے پنجڑے میں بھی رہتا ہے تو قیدی ہے

پرندہ تو وہی ہوتا ہے جو آزاد رہتا ہے

چمن میں گھومنے پھرنے کے کچھ آداب ہوتے ہیں

ادھر ہرگز نہیں جانا ادھر صیاد رہتا ہے

لپٹ جاتی ہے سارے راستوں کی یاد بچپن میں

جدھر سے بھی گزرتا ہوں میں رستہ یاد رہتا ہے

ہمیں بھی اپنے اچھے دن ابھی تک یاد ہیں راناؔ

ہر اک انسان کو اپنا زمانہ یاد رہتا ہے

bhala pana bahut mushkil hai sab kuchh yad rahta hai

mohabbat karne wala is liye barbad rahta hai

agar sone ke panjure mein bhi rahta hai to qaidi hai

parinda to wahi hota hai jo azad rahta hai

chaman mein ghumne phirne ke kuchh adab hote hain

idhar hargiz nahin jana idhar sayyad rahta hai

lipat jati hai sare raston ki yad bachpan mein

jidhar se bhi guzarta hun main rasta yad rahta hai

hamen bhi apne achchhe din abhi tak yad hain rana

har ik insan ko apna zamana yad rahta hai