عشق ہے تو عشق کا اظہار ہونا چاہئے

عشق ہے تو عشق کا اظہار ہونا چاہئے

آپ کو چہرے سے بھی بیمار ہونا چاہئے

آپ دریا ہیں تو پھر اس وقت ہم خطرے میں ہیں

آپ کشتی ہیں تو ہم کو پار ہونا چاہئے

ایرے غیرے لوگ بھی پڑھنے لگے ہیں ان دنوں

آپ کو عورت نہیں اخبار ہونا چاہئے

زندگی تو کب تلک در در پھرائے گی ہمیں

ٹوٹا پھوٹا ہی سہی گھر بار ہونا چاہئے

اپنی یادوں سے کہو اک دن کی چھٹی دے مجھے

عشق کے حصے میں بھی اتوار ہونا چاہئے

ishq hai to ishq ka izhar hona chahiye

ap ko chehre se bhi bimar hona chahiye

ap dariya hain to phir is waqt ham khatre mein hain

ap kashti hain to ham ko par hona chahiye

aire ghaire log bhi parhne lage hain in dinon

ap ko aurat nahin akhbar hona chahiye

zindagi to kab talak dar dar pharaegi hamen

tuta phuta hi sahi ghar bar hona chahiye

apni yadon se kaho ik din ki chhutti de mujhe

ishq ke hisse mein bhi itwar hona chahiye