مزاج و مرتبۂ چشم نم کو پہچانے

مزاج و مرتبۂ چشم نم کو پہچانے

جو تجھ کو دیکھ کے آئے وہ ہم کو پہچانے

ملا ہے درد ہمیں درد آشنا کی طرح

بھلا ہوا کہ خلوص کرم کو پہچانے

ہزار کوس نگاہوں سے دل کی منزل تک

کوئی فریب سے دیکھے تو ہم کو پہچانے

یہ خود فریب اجالے یہ ہاتھ ہاتھ دیئے

دیئے بجھاؤ کہ انسان غم کو پہچانے

بہت دنوں تو ہواؤں کا ہم نے رخ دیکھا

بڑے دنوں میں متاع قلم کو پہچانے

mizaj-o-martaba-e-chashm-e-nam ko pahchane

jo tujh ko dekh ke ae wo ham ko pahchane

mila hai dard hamen dard ashna ki tarah

bhala hua ke khulus-e-karam ko pahchane

hazar kos nigahon se dil ki manzil tak

koi fareb se dekhe to ham ko pahchane

ye khud fareb ujale ye hath hath diye

diye bujhao ke insan gham ko pahchane

bahut dinon to hawaon ka ham ne rukh dekha

bare dinon mein mata-e-qalam ko pahchane