حس نہیں تڑپ نہیں باب عطا بھی کیوں کھلے

حس نہیں تڑپ نہیں باب عطا بھی کیوں کھلے

ہم ہیں گرفتہ دل ابھی ہم سے صبا بھی کیوں کھلے

اب یہ اداس دن ہمیں ساتھ لیے لیے پھرے

خواب بجھے تو کیا رہا کالی گھٹا بھی کیوں کھلے

دل کا کوئی زیاں نہیں جاں کا معاملہ نہیں

ہاتھ میں اک دیا نہیں موج ہوا بھی کیوں کھلے

یاں کسی رہ گزر پہ کچھ نقش قدم پڑے رہے

قاصد خوش خبر نہیں شہر سبا بھی کیوں کھلے

عمر تمام کاٹ دی حسرت کاخ و کو لیے

میرے تمہارے سامنے ارض و سما بھی کیوں کھلے

کوزہ بہ کوزہ بٹ گئیں جتنی بھی تھیں صداقتیں

خالی ہتھیلیوں پہ اب حرف دعا بھی کیوں کھلے

شدت رقص آرزو اپنا جواز آپ تھی

میری نگاہ پر اداؔ میری خطا بھی کیوں کھلے

his nahin tarap nahin bab-e-ata bhi kyun khule

ham hain girafta dil abhi ham se saba bhi kyun khule

ab ye udas din hamen sath liye liye phire

khwab bujhe to kya raha kali ghata bhi kyun khule

dil ka koi ziyan nahin jan ka muamla nahin

hath mein ik diya nahin mauj hua bhi kyun khule

yan kisi rah guzar pe kuchh naqsh-e-qadam pare rahe

qasid-e-khush khabar nahin shahr-e-saba bhi kyun khule

umr tamam kat di hasrat-e-kakh-o-ko liye

mere tumhare samne arz-o-sama bhi kyun khule

kuza ba kuza bat gain jitni bhi thin sadaqaten

khali hatheliyon pe ab harf-e-dua bhi kyun khule

shiddat-e-raqs-e-arzu apna jawaz ap thi

meri nigah par ada meri khata bhi kyun khule