نگاہ اوٹ رہوں کاسۂ خبر میں رہوں

نگاہ اوٹ رہوں کاسۂ خبر میں رہوں

میں بجھتے بجھتے بھی پیراہن شرر میں رہوں

میں خود ہی روز تمنا میں آپ شام فراق

عجب نہیں جو اکیلی بھرے نگر میں رہوں

سلگ اٹھی تو اندھیروں کا رکھ لیا ہے بھرم

جو روشنی ہوں تو کیوں چشم نوحہ گر میں رہوں

تمام عمر سفر میں گزار دوں اپنی

تمام عمر تمنائے رہ گزر میں رہوں

لکھا گیا مجھے آواز خامشی کی طرح

خود اپنا عکس بنوں سایۂ ہنر میں رہوں

وہ تشنگی تھی کہ شبنم کو ہونٹ ترسے ہیں

وہ آب ہوں کہ مقید گہر گہر میں رہوں

اداؔ میں نکہت گل بھی نہ تھی صبا بھی نہ تھی

کہ میہماں سی رہوں اور اپنے گھر میں رہوں

nigah ot rahun kasa-e-khabar mein rahun

main bujhte bujhte bhi pairahan-e-sharar mein rahun

main khud hi roz-e-tamanna mein ap sham-e-firaq

ajab nahin jo akeli bhare nagar mein rahun

sulag uthi to andheron ka rakh liya hai bharam

jo raushni hun to kyun chashm-e-nauha gar main rahun

tamam umr safar mein guzar dun apni

tamam umr-e-tamanna-e-rah guzar mein rahun

likha gaya mujhe awaz khamushi ki tarah

khud apna aks banun saya-e-hunar mein rahun

wo tishnagi thi ke shabnam ko hont tarse hain

wo ab hun ke muqayyad guhar guhar mein rahun

ada mein nikhat-e-gul bhi na thi saba bhi na thi

ke mehman si rahun aur apne ghar mein rahun