یہی نہیں کہ زخم جاں کو چارہ جو ملا نہیں

یہی نہیں کہ زخم جاں کو چارہ جو ملا نہیں

یہ حال تھا کہ دل کو اسم آرزو ملا نہیں

ابھی تلک جو خواب تھے چراغ تھے گلاب تھے

وہ رہ گزر کوئی نہ تھی کہ جس پہ تو ملا نہیں

تمام عمر کی مسافتوں کے بعد ہی کھلا

کبھی کبھی وہ پاس تھا جو چار سو ملا نہیں

وہ جیسے اک خیال تھا جو زندگی پہ چھا گیا

رفاقتیں تھیں اور یوں کہ روبرو ملا نہیں

تمام آئنوں میں عکس تھے مری نگاہ کے

بھرے نگر میں ایک بھی مجھے عدو ملا نہیں

وراثتوں کے ہاتھ میں جو اک کتاب تھی ملی

کتاب میں جو حرف ہے ستارہ خو ملا نہیں

وہ کیسی آس تھی ادا جو کو بہ کو لیے پھری

وہ کچھ تو تھا جو دل کو آج تک کبھو ملا نہیں

yahi nahin ke zakhm jan ko chara jo mila nahin

ye hal tha ke dil ko ism-e-arzu mila nahin

abhi talak jo khwab the charagh the gulab the

wo rah guzar koi na thi ke jis pe to mila nahin

tamam umr ki masafaton ke baad hi khula

kabhi kabhi wo pas tha jo char su mila nahin

wo jaise ik khayal tha jo zindagi pe chha gaya

rifaqaten thin aur yun ke rubaru mila nahin

tamam ainon mein aks the miri nigah ke

bhare nagar mein ek bhi mujhe adu mila nahin

wirasaton ke hath mein jo ik kitab thi mili

kitab mein jo harf hai sitara khu mila nahin

wo kaisi as thi ada jo ku ba ku liye phiri

wo kuchh to tha jo dil ko aj tak kabhu mila nahin