خلش تیر بے پناہ گئی

خلش تیر بے پناہ گئی

لیجئے ان سے رسم و راہ گئی

آپ ہی مرکز نگاہ رہے

جانے کو چار سو نگاہ گئی

سامنے بے نقاب بیٹھے ہیں

وقعت حسن مہر و ماہ گئی

اس نے نظریں اٹھا کے دیکھ لیا

عشق کی جرات نگاہ گئی

انتہائے جنوں مبارک باد

پرسش حال گاہ گاہ گئی

مر مٹے جلدباز پروانے

اپنی سی شمع تو نباہ گئی

دل میں عزم حرم سہی لیکن

ان کے کوچہ کو گر یہ راہ گئی

khalish-e-tir-e-be panah gai

lijiye un se rasm-o-rah gai

ap hi markaz-e-nigah rahe

jane ko char su nigah gai

samne be naqab baithe hain

waqat-e-husn-e-mehr-o-mah gai

us ne nazren utha ke dekh liya

ishq ki jurat-e-nigah gai

intiha-e-junun mubarak bad

pursish-e-hal gah gah gai

mar mite jaldbaz parwane

apni si shama to nibah gai

dil mein azm-e-haram sahi lekin

un ke kucha ko gar ye rah gai