Arooz is now on the App Store, for iPhone and iPad. Download →

All poetry

دل اپنا جلایا ہے کسی نے بھی خوشی سے

Ada Jafri (1924–2015)

دل اپنا جلایا ہے کسی نے بھی خوشی سے

بن جاتی ہے جی پر تو گزر جاتے ہیں جی سے

جھوٹوں کبھی پوچھا ہے تو وہم آئے ہیں کیا کیا

مانوس ہیں اتنے تری بیگانہ روی سے

رستہ جسے مل جائے یہ توفیق ہے اس کی

پلٹا نہیں اب تک ہے کوئی تیری گلی سے

خوشبو نے بہاراں کی سنی چاپ کسی نے

مایوس نہ ہونا مری آہستہ روی سے

بن بن کے بگڑتے رہے امید کے پیکر

آذر تھے مگر کام رہا بت شکنی سے

اندیشہ بس اتنا ہی رہا دشت طلب میں

بھر آئے کہیں آنکھ اداؔ تشنہ لبی سے