یہ حکم ہے تری راہوں میں دوسرا نہ ملے

یہ حکم ہے تری راہوں میں دوسرا نہ ملے

شمیم جاں تجھے پیراہن صبا نہ ملے

بجھی ہوئی ہیں نگاہیں غبار ہے کہ دھواں

وہ راستہ ہے کہ اپنا بھی نقش پا نہ ملے

جمال شب مرے خوابوں کی روشنی تک ہے

خدا نہ کردہ چراغوں کی لو بڑھا نہ ملے

قدم قدم مری ویرانیوں کے رنگ محل

دلوں کو زخم کی سوغات خسروانہ ملے

تم اس دیار میں انساں کو ڈھونڈھتی ہو جہاں

وفا ملے تو بہ احساس مجرمانہ ملے

گئے دنوں کے حوالے سے تم کو پہچانا

ہم آج خود سے ملے اور والہانہ ملے

کدھر سے سنگ چلا تھا اداؔ کہاں پہنچا

جو ایک ٹھیس سے ٹوٹیں انہیں بہا نہ ملے

ye hukm hai tiri rahon mein dusra na mile

shamim-e-jan tujhe pairahan-e-saba na mile

bujhi hui hain nigahen ghubar hai ke dhuan

wo rasta hai ke apna bhi naqsh-e-pa na mile

jamal-e-shab mire khwabon ki raushni tak hai

khuda na karda charaghon ki lau barha na mile

qadam qadam miri wiraniyon ke rang mahal

dilon ko zakhm ki saughat khusrawana mile

tum is dayar mein insan ko dhundhti ho jahan

wafa mile to ba ehsas-e-mujrimana mile

gae dinon ke hawale se tum ko pahchana

ham aj khud se mile aur walhana mile

kidhar se sang chala tha ada kahan pahuncha

jo ek thes se tuten unhen baha na mile