اجالا دے چراغ رہ گزر آساں نہیں ہوتا

اجالا دے چراغ رہ گزر آساں نہیں ہوتا

ہمیشہ ہو ستارا ہم سفر آساں نہیں ہوتا

جو آنکھوں اوٹ ہے چہرہ اسی کو دیکھ کر جینا

یہ سوچا تھا کہ آساں ہے مگر آساں نہیں ہوتا

بڑے تاباں بڑے روشن ستارے ٹوٹ جاتے ہیں

سحر کی راہ تکنا تا سحر آساں نہیں ہوتا

اندھیری کاسنی راتیں یہیں سے ہو کے گزریں گی

جلا رکھنا کوئی داغ جگر آساں نہیں ہوتا

کسی درد آشنا لمحے کے نقش پا سجا لینا

اکیلے گھر کو کہنا اپنا گھر آساں نہیں ہوتا

جو ٹپکے کاسۂ دل میں تو عالم ہی بدل جائے

وہ اک آنسو مگر اے چشم تر آساں نہیں ہوتا

گماں تو کیا یقیں بھی وسوسوں کی زد میں ہوتا ہے

سمجھنا سنگ در کو سنگ در آساں نہیں ہوتا

نہ بہلاوا نہ سمجھوتا جدائی سی جدائی ہے

اداؔ سوچو تو خوشبو کا سفر آساں نہیں ہوتا

ujala de charagh-e-rah guzar asan nahin hota

hamesha ho sitara ham safar asan nahin hota

jo ankhon ot hai chehra usi ko dekh kar jina

ye socha tha ke asan hai magar asan nahin hota

bare taban bare raushan sitare tut jate hain

sahar ki rah takna ta sahar asan nahin hota

andheri kasni raten yahin se ho ke guzrengi

jala rakhna koi dagh-e-jigar asan nahin hota

kisi dard-e-ashna lamhe ke naqsh-e-pa saja lena

akele ghar ko kahna apna ghar asan nahin hota

jo tapke kasa-e-dil mein to alam hi badal jae

wo ik ansu magar ai chashm-e-tar asan nahin hota

guman to kya yaqin bhi waswason ki zad mein hota hai

samajhna sang-e-dar ko sang-e-dar asan nahin hota

na bahlawa na samjhota judai si judai hai

ada socho to khushbu ka safar asan nahin hota