جو چراغ سارے بجھا چکے انہیں انتظار کہاں رہا

جو چراغ سارے بجھا چکے انہیں انتظار کہاں رہا

یہ سکوں کا دور شدید ہے کوئی بے قرار کہاں رہا

جو دعا کو ہاتھ اٹھائے بھی تو مراد یاد نہ آ سکی

کسی کارواں کا جو ذکر تھا وہ پس غبار کہاں رہا

یہ طلوع روز ملال ہے سو گلہ بھی کس سے کریں گے ہم

کوئی دل ربا کوئی دل شکن کوئی دل فگار کہاں رہا

کوئی بات خواب و خیال کی جو کرو تو وقت کٹے گا اب

ہمیں موسموں کے مزاج پر کوئی اعتبار کہاں رہا

ہمیں کو بہ کو جو لیے پھری کسی نقش پا کی تلاش تھی

کوئی آفتاب تھا ضو فگن سر رہ گزار کہاں رہا

مگر ایک دھن تو لگی رہی نہ یہ دل دکھا نہ گلہ ہوا

کہ نگہ کو رنگ بہار پر کوئی اختیار کہاں رہا

سر دشت ہی رہا تشنہ لب جسے زندگی کی تلاش تھی

جسے زندگی کی تلاش تھی لب جوئبار کہاں رہا

jo charagh sare bujha chuke unhen intizar kahan raha

ye sukun ka daur shadid hai koi be qarar kahan raha

jo dua ko hath uthae bhi to murad yad na a saki

kisi karwan ka jo zikr tha wo pas ghubar kahan raha

ye tulu-e-roz malal hai so gila bhi kis se karenge ham

koi dil ruba koi dil shikan koi dil figar kahan raha

koi bat khwab-o-khayal ki jo karo to waqt katega ab

hamen mausamon ke mizaj par koi etibar kahan raha

hamen ku ba ku jo liye phiri kisi naqsh-e-pa ki talash thi

koi aftab tha zau fagan sar-e-rah guzar kahan raha

magar ek dhun to lagi rahi na ye dil dikha na gila hua

ke nigah ko rang-e-bahar par koi ikhtiyar kahan raha

sar-e-dasht hi raha tishna lab jise zindagi ki talash thi

jise zindagi ki talash thi lab joibar kahan raha