جو یہ ہر سو فلک منظر کھڑے ہیں

جو یہ ہر سو فلک منظر کھڑے ہیں

نہ جانے کس کے پیروں پر کھڑے ہیں

تلا ہے دھوپ برسانے پہ سورج

شجر بھی چھتریاں لے کر کھڑے ہیں

انہیں ناموں سے میں پہچانتا ہوں

مرے دشمن مرے اندر کھڑے ہیں

کسی دن چاند نکلا تھا یہاں سے

اجالے آج تک چھت پر کھڑے ہیں

اجالا سا ہے کچھ کمرے کے اندر

زمین و آسماں باہر کھڑے ہیں

jo ye har su falak manzar khare hain

na jane kis ke pairon par khare hain

tala hai dhup barasane pe suraj

shajar bhi chhatriyan le kar khare hain

unhen namon se main pahchanta hun

mire dushman mire andar khare hain

kisi din chand nikla tha yahan se

ujale aj tak chhat par khare hain

ujala sa hai kuchh kamre ke andar

zamin-o-asman bahar khare hain