یہ خاک زادے جو رہتے ہیں بے زبان پڑے

یہ خاک زادے جو رہتے ہیں بے زبان پڑے

اشارہ کر دیں تو سورج زمیں پہ آن پڑے

سکوت زیست کو آمادۂ بغاوت کر

لہو اچھال کہ کچھ زندگی میں جان پڑے

ہمارے شہر کی بینائیوں پہ روتے ہیں

تمام شہر کے منظر لہو لہان پڑے

اٹھے ہیں ہاتھ مرے حرمت زمیں کے لیے

مزا جب آئے کہ اب پاؤں آسمان پڑے

کسی مکین کی آمد کے انتظار میں ہیں

مرے محلے میں خالی کئی مکان پڑے

ye khak zade jo rahte hain be zaban pare

ishara kar den to suraj zamin pe an pare

sukut-e-zist ko amada-e-baghawat kar

lahu uchhal ke kuchh zindagi mein jan pare

hamare shahr ki binaiyon pe rote hain

tamam shahr ke manzar lahu luhan pare

uthe hain hath mire hurmat-e-zamin ke liye

maza jab ae ke ab paon asman pare

kisi makin ki amad ke intizar mein hain

mire mohalle mein khali kai makan pare