سب کی پگڑی کو ہواؤں میں اچھالا جائے

سب کی پگڑی کو ہواؤں میں اچھالا جائے

سوچتا ہوں کوئی اخبار نکالا جائے

پی کے جو مست ہیں ان سے تو کوئی خوف نہیں

پی کے جو ہوش میں ہیں ان کو سنبھالا جائے

آسماں ہی نہیں اک چاند بھی رہتا ہے یہاں

بھول کر بھی کبھی پتھر نہ اچھالا جائے

sab ki pagri ko hawaon mein uchhala jae

sochta hun koi akhbar nikala jae

pi ke jo mast hain un se to koi khauf nahin

pi ke jo hosh mein hain un ko sambhala jae

asman hi nahin ik chand bhi rahta hai yahan

bhul kar bhi kabhi patthar na uchhala jae