میرے کاروبار میں سب نے بڑی امداد کی

میرے کاروبار میں سب نے بڑی امداد کی

داد لوگوں کی گلا اپنا غزل استاد کی

اپنی سانسیں بیچ کر میں نے جسے آباد کی

وہ گلی جنت تو اب بھی ہے مگر شداد کی

عمر بھر چلتے رہے آنکھوں پہ پٹی باندھ کر

زندگی کو ڈھونڈنے میں زندگی برباد کی

داستانوں کے سبھی کردار کم ہونے لگے

آج کاغذ چنتی پھرتی ہے پری بغداد کی

اک سلگتا چیختا ماحول ہے اور کچھ نہیں

بات کرتے ہو یگانہؔ کس امین آباد کی

mere karobar mein sab ne bari imdad ki

dad logon ki gila apna ghazal ustad ki

apni sansen bech kar main ne jise abad ki

wo gali jannat to ab bhi hai magar shaddad ki

umr bhar chalte rahe ankhon pe piti bandh kar

zindagi ko dhundne mein zindagi barbad ki

dastanon ke sabhi kirdar kam hone lage

aj kaghaz chunti phirti hai pari baghdad ki

ik sulagta chikhta mahaul hai aur kuchh nahin

bat karte ho yagana kis amin abad ki