یوں صدا دیتے ہوئے تیرے خیال آتے ہیں

یوں صدا دیتے ہوئے تیرے خیال آتے ہیں

جیسے کعبے کی کھلی چھت پہ بلال آتے ہیں

روز ہم اشکوں سے دھو آتے ہیں دیوار حرم

پگڑیاں روز فرشتوں کی اچھال آتے ہیں

ہاتھ ابھی پیچھے بندھے رہتے ہیں چپ رہتے ہیں

دیکھنا یہ ہے تجھے کتنے کمال آتے ہیں

چاند سورج مری چوکھٹ پہ کئی صدیوں سے

روز لکھے ہوئے چہرے پہ سوال آتے ہیں

بے حسی مردہ دلی رقص شرابیں نغمے

بس اسی راہ سے قوموں پہ زوال آتے ہیں

yun sada dete hue tere khayal ate hain

jaise kaabe ki khuli chhat pe bilal ate hain

roz ham ashkon se dho ate hain diwar-e-haram

pagriyan roz farishton ki uchhal ate hain

hath abhi pichhe bandhe rahte hain chup rahte hain

dekhna ye hai tujhe kitne kamal ate hain

chand suraj miri chaukhat pe kai sadiyon se

roz likhe hue chehre pe sawal ate hain

be hissi murda dili raqs sharaben naghme

bas isi rah se qaumon pe zawal ate hain