مسجدوں کے صحن تک جانا بہت دشوار تھا

مسجدوں کے صحن تک جانا بہت دشوار تھا

دیر سے نکلا تو میرے راستے میں دار تھا

دیکھتے ہی دیکھتے شہروں کی رونق بن گیا

کل یہی چہرہ ہمارے آئنوں پر بار تھا

اپنی قسمت میں لکھی تھی دھوپ کی ناراضگی

سایۂ دیوار تھا لیکن پس دیوار تھا

سب کے دکھ سکھ اس کے چہرے پر لکھے پائے گئے

آدمی کیا تھا ہمارے شہر کا اخبار تھا

اب محلے بھر کے دروازوں پے دستک ہے نصیب

اک زمانہ تھا کہ جب میں بھی بہت خوددار تھا

masjidon ke sehn tak jana bahut dushwar tha

der se nikla to mere raste mein dar tha

dekhte hi dekhte shahron ki raunaq ban gaya

kal yahi chehra hamare ainon par bar tha

apni qismat mein likhi thi dhup ki narazgi

saya-e-diwar tha lekin pas-e-diwar tha

sab ke dukh sukh us ke chehre par likhe pae gae

admi kya tha hamare shahr ka akhbar tha

ab mohalle bhar ke darwazon pe dastak hai nasib

ik zamana tha ke jab main bhi bahut khuddar tha