سوال گھر نہیں بنیاد پر اٹھایا ہے

سوال گھر نہیں بنیاد پر اٹھایا ہے

ہمارے پاؤں کی مٹی نے سر اٹھایا ہے

ہمیشہ سر پہ رہی اک چٹان رشتوں کی

یہ بوجھ وہ ہے جسے عمر بھر اٹھایا ہے

مری غلیل کے پتھر کا کارنامہ تھا

مگر یہ کون ہے جس نے ثمر اٹھایا ہے

یہی زمیں میں دبائے گا ایک دن ہم کو

یہ آسمان جسے دوش پر اٹھایا ہے

بلندیوں کو پتہ چل گیا کہ پھر میں نے

ہوا کا ٹوٹا ہوا ایک پر اٹھایا ہے

مہا بلی سے بغاوت بہت ضروری ہے

قدم یہ ہم نے سمجھ سوچ کر اٹھایا ہے

sawal ghar nahin buniyad par uthaya hai

hamare paon ki mitti ne sar uthaya hai

hamesha sar pe rahi ik chatan rishton ki

ye bojh wo hai jise umr bhar uthaya hai

miri ghulel ke patthar ka karnama tha

magar ye kaun hai jis ne samar uthaya hai

yahi zamin mein dabaega ek din ham ko

ye asman jise dosh par uthaya hai

bulandiyon ko pata chal gaya ke phir main ne

hawa ka tuta hua ek par uthaya hai

meha billi se baghawat bahut zaruri hai

qadam ye ham ne samajh soch kar uthaya hai